السعاده ام النجاح

لا اعلم ان كنا في هذا الكون تحت رايه تلك العواصف الماديه لابد ان نعرض لهذه المساومه الزائفه بين ان تكون شخصا طموحا متفوقا تحفر في الصخور حتي تصل لما يزيد منك مكانه في عملك ويسجل لك التاريخ انك ثابرت واحسنت وتترك تلك السعاده التي اعتبرتها مزيفه من اصدقاء ورحله وطعام وزواج واوقات تسرقها بين الاهل والاقارب ...
هل سنندم اذا اختارنا واحدا وضحينا بالاخر؟؟
هل سنسعد باختيارنا هذا ؟؟
ماذا لو لم نختار النجاح ماذا لو فضلنا السعاده هل تقدر السعاده بثمن النجاح؟
فلماذا نعيش تحت سقف تلك المعادله الصعبه التي تسرق منا جزءا من انسانيتنا وفطرتنا في العيش حياه كريمه لاتقبل المساومات..!!
هل اختلت حياتنا
هل اسأنا الاختيار!!!!!!!

اتنين في واحد

اتنين في واحد ...........

يعني ايه اتنين في واحد
..يعني انك تكون مخنوق من واحد ومبسوط من التاني فتتخانق مع نفسك وتبقى محتار...
ان يكون قدامك حلين للمشكلة والاتنين عكس بعض ..انك تفكر في احسن حاجة ممكن تعملها لواحد وفي نفس اليوم تفكر في اسوء حاجة ممكن تعملها فيه :D
ان يكون الاتنين دول عكس بعض ومع ذلك انت اللي ماسكهم
والاقوى من ده كله لما تكون متكيف مع الاتنين ...وتكون حاسس انهم اقرب حد ليك ...

كتير اوي ممكن تكون علاقتك بأي شخص في حياتك جديدة تبقى ممتعة ومبهرة وتكون سعيد اوي وحاسس انك بقيت شخص مختلف.. وسعات تنسى اصلا انك اتنين..وتكتشف بعد مرور فترة ان الشخص اللي انت بدأت معاه العلاقة وتطورت مع السنين هي مع واحد فقط من الاتنين اللي جواك ...ولانك مبتقدرش تستغني عن حد فيهم فتلاقي الوجه الاخر طلع فجأة....
فتبقى مش فاهم ليه الصديق اللي بتتعامل معاه بقالك سنين مندهش منك ومصدوم !! مع انك نفس الشخص ..

تفضل العلاقة في توتر لحد ماتنتهي كالعادة ........بالفشل..
واحيانا يحصل العكس ...
احيانا الشخص اللي جواك ومش ظاهر للناس يكتشفو اشخاص قليلين ..لكنهم لا يتوافقون مع الجزء الاخر الظاهر للجميع ..
وبرضه بيبقى حكمه الفشل...
...
..
.
سعات كتير بيبقى نفسنا نتجنن ... مع اننا مش مجنونين في العادة ..سعات يبقى نفسك تبقى هادي ...مع ان الهدوء مش طبعك
سعات يبقى نفسك حد يشوف الاتنين .اللي جواك...مع انك عارف كويس ان ده تقريبا مستحيل يحصل ...